Орхон аймгийн цагдаагийн газраас санаачлан аймгийн “Цахим орчинд үйлдэгдэж буй гэмт хэргийг илрүүлэх, шалган шийдвэрлэхэд анхаарах асуудал” сэдэвт сургалт, зөвлөгөөнийг Прокурорын газар, Гэмт хэргээс урьдчилан сэргийлэх ажлыг зохицуулах зөвлөлтэй хамтарч  энэ оны 02 дугаар сарын 27-ний өдөр Орхон аймагт зохион байгууллаа. Тус зөвлөгөөнд урилгаар Монгол Улсын Хууль зүйн ухааны доктор (Ph.D) Б.Өнөрмаа, Цагдаагийн ерөнхий газрын Кибер гэмт хэрэгтэй тэмцэх газрын эрүүгийн ахлах мөрдөгч, Цагдаагийн хошууч Т.Сайнзаяа, мөрдөгч, цагдаагийн ахмад Б.Мөнхнаран нар ирж Цагдаагийн газрын эрүүгийн мөрдөгч, мөрдөгч, аймгийн хяналтын прокуроруудад сургалт, мэдээлэл хийж хамтран ажиллаа.